Abbbout_img

ہمارے بارے میں

ہوم » ہمارے بارے میں

تعارف

یہ ضابطہ اخلاق بنیادی اصولوں اور پیشہ ورانہ رویوں کی نشاندہی کرتا ہے، جن کی توقع اور پاسداری پاکستان بھر میں ایس ایم ای بینک لمیٹڈ کے تمام ملازمین سے کی جاتی ہے۔

  • دیانت داری
  • راز داری
  • پیشہ ورانہ اسلوب
  • اطاعت و فرمانبرداری

اس ضابطہ میں بیان کئے گئے معیار کو تمام ملازمین کے کم از کم درجہ کے اخلاقی رویہ میں شمار کیا جائیگا۔ یہ اس دستاویز میں شامل کئے گئے اس تفصیلی ضآبطہ خدمت کی بھی عکاسی کرتے ہیں جنہیں بینکنگ کے مختلف پہلووں میں اپنایا گیا ہے۔ یہ ضابطہ اخلاق ایسے انفرادی ملازمین کیلئے ماڈل کے طور پر استعمال کیا جاتا ہے، جو اپنے پیشہ ورانہ رویوں میں مزید بہتری اور امور میں اضافی خوبیاں حاصل کرنے کے خواہاں ہیں۔

1. دیانت داری

(الف) تمام ملازمین کیلئے ضروری ہے کہ وہ اپنے پیشہ ورانہ معاملات میں دیانت داری اور ایمانداری کو اپنا شعار بنائیں۔
۱. ایسے صارفین سے جو ان سے رابطہ کریں
۲. تمام دفتری معاملات میں
(ب) ایسے مواقع بھی آسکتے ہیں جب ملازمین براہ راست یا بالواسطہ ایسے کاروباری معاملات میں ملوث ہوجائیں جو بینک کے مفاد سے تضاد رکھتے ہوں۔ بینک کی جانب سے درست اور بروقت فیصلے کو یقینی بنانے کیلئے ملازمین بینک کے حکام کو اس ضمن میں پیشگی اطلاع فراہم کریں، جبکہ بینک کی جانب سے ذاتی تنازعات سے متعلق ایسی تفصیلات طلب کی جاسکتی ہیں۔
(ج) ملازمین کسی بھی قسم کا تحفہ، اسپانسرشپ، میزبانی کی سہولیات طلب یا قبول نہیں کرسکتے، جو ان کی حیثیت یا آجر(بینک انتظامیہ) کی طرف سے کسی کاروباری فیصلے پر سمجھوتے کے مترادف ہوں، تاہم ملازمین ایسا تحفہ قبول کرسکتے ہیں جس کی مالیت 100 روپے سے زائد نہ ہو، یا بینک انتظامیہ کی طرف سے اسے قبول کرنے کی اجازت دی گئی ہو۔
(د) کسی ملازم کو متعلقہ حکام/ اتھارٹی سے پیشگی اجازت لئے بغیر بینک کے دوسرے ملازمین سے رقم ادھار لینے یا انہیں ادھار دینے کی اجازت نہیں۔

ابھی ہمارے یونیورسل ایکسس نمبر پر کال کریں

111-110-011

عمومی بینکنگ کیلئے

ہمارے ٹول فری نمبر پر مفت کال کریں

0800-00888

ایس ایم ایس اور اے ٹی ایم کارڈ کیلئے